Inicio
Benvid@!
O BuddyPress transforma unha instalación de WordPress nunha plataforma de redes sociais, como o Facebook ou o Tuenti, pero coa vantaxe dos blogues. Contén todas as funcións de WordPress, pero tamén permite que as persoas interactúen socialmente.
O BuddyPress é completamente gratuíto e de código aberto. Podes visitar algúns dos sitios que xa usan BuddyPress, para ver como funciona.
Que é?
É un recurso que permite engadir funcionalidades de rede social a unha instalación xa existente. É, en realidade, un conxunto de plugins para WordPress que engade varias funcionalidades, como por exemplo:
Características
- Fluxo de actividades – Global, persoal e de grupos, cos seus comentarios, publicación directa, favoritos, etc. Todo isto con soporte para canais RSS e notificación por correo electrónico.
- Perfís estendidos – Campos de perfil completamente editables e personalizados para acadar unha óptima adaptación ás necesidades das persoas usuarias da túa rede social.
- Grupos extensibles – Poderosos grupos públicos ou privados que permitirán que as persoas usuarias canalicen as súas participacións e discusións en grupos de interese específicos: fotografía, cine, etc.
- Amizades – Permite que as persoas usuarias fagan amizades entre elas para seguir as actividades unhas das outras e tamén filtraren aquelas que prefiran.
- Mensaxes privadas – Posibilita que as persoas usuarias troquen mensaxes entre si, e entre varias ao mesmo tempo.
- Foros de discusión – Foros de discusión integrados nos grupos que permiten un intercambio de ideas máis convencional.
- Blogue WordPress – Permite aproveitar a mellor e máis versátil ferramenta de blogues do mundo para que as persoas usuarias creen os seus blogues, cuxos artigos e comentarios serán seguidos en todo o seu espazo web.
Descarga
O BuddyPress está dispoñible para descargar aquí. Os ficheiros de tradución para o galego actualízanse no repositorio de traducións neste enderezo: https://i18n.svn.buddypress.org/gl_ES/tags. Escolle a versión e descarga os ficheiros BuddyPress-gl_ES.mo e BuddyPress-gl_ES.po.
Instalación
Coloca os ficheiros de tradución no cartafol wp-content/plugins/buddypress/bp-languages.
